CIASA DE LËGN

NA CIASA DE LËGN É LA MIÚ LITA!

Chësc material straordinar á tröpes carateristiches de valüta, n pëis limité y na buna resistënza, ideales sc’an mëss ingrandí o jí sö inant pro frabicac cun deplü alzades. Sambëgn é lignan ince n material ezelënt por costruziuns nöies, deache al isolëia bun y pita la poscibilité da fá sö frabicac cun parëis cotan plü sotisc, chël ó dí: avëi na isolaziun termica y acustica efiziënta döt te n iade y, ciamó n iade dilan ai parëis sotisc, n aumënt dla spersa abitativa.


LIGNAN SCIÖCHE MATERIAL DA COSTRUZIUN

Le lignan é n material da costruziun sigü y resistënt, cun carateristiches che dá segurëza en caje de tremoroc. Defat él gnü desmostré che sce la tera ess da tremoré, foss le lignan le material plü sigü, deache al é plü lisier y elastich. En caje de medefüch é le lignan n material prevedibl, deache al brüsc bel plan.


VANTAJI DE NA CIASA DE LËGN:

  • n tëmp de costruziun cört
  • da podëi abité atira (n’adora nia n cer tëmp da s’assuié)
  • n sparagn d’energia garantí dal’isolaziun dl frabicat: locai cialc d’invern y frës? d’isté
  • locai da sté plü saurí, degöna umidité
  • n daciasa sann y ecologich (fat sö zënza materiai malsagns)
  • n’abitaziun che dá na sensaziun de cialt y da sté saurí
  • cos? sigüsc y definis avisa denanco mëte man da frabiché

DOMANDES Y RESPOSTES:

Costa les ciases de lëgn deplü o demanco co les ciases normales de cadrí?

A chësta domanda ne vára baldi nia da respogne avisa… vigni proiet mëss gní analisé da iade a iade, mo en linia de mascima podunse dí, che na costruziun de lëgn pó naota ester plü cera co na ciasa de cadrí. Mo i messun sotligné ch’i fajun sö n frabicat che dess tigní por döta la vita y che le sparagn energetich de na costruziun de lëgn é garantí: insciö se despaia i cos? implü defata indô jö – y te n tëmp lunch, dëidel cinamai da sparagné, deach’i un ma bria de scialdé dër püch. Ciases de lëgn á n raport otimal danter cualité y prisc!

Co éra pa cun i tëmps de costruziun?

Les costruziuns de lëgn vëgn metüdes sö te n tëmp cört, ares ne mëss nia s’assuié y porchël pón bele atira jí a vire laite.

Le lëgn „vir“! Pó i parëis se sposté o se desformé cun le tëmp?

No! Le lignan massif che vëgn adoré da fá i parëis vëgn incolé adöm incrusc; porchël n’él dedô degun prigo che i parëis se möies o se desformëies.

Co ciara pa fora i locai daite de na ciasa de lëgn? Y defora?

Sön domanda lasciunse i parëis y i plafons de lëgn ch’an pó i odëi… mo sambëgn pói ince gní stopá pro cun ghips o malta, sciöche pro na ciasa de cadrí normala. Deforaia ciara na ciasa de lëgn avisa fora sciöche na ciasa de cadrí.


ËISE DOMANDES?

Ion sunse a Osta desposiziun sc’i adorëis n consëi! Al basta ch’i fajëis fora n termin por Ves lascé asconsié y Se respognarun de porsona a dötes Ostes domandes.